Адуунай дэлһээр бүтээгдэһэн хүшэгэ
Ямаршье театр соо харагшадай танхим ба тайзан хоёрые хүшэгэ хубаан таһалаад байдаг
Буряад театрай һүүлэй һонинууд, амжалтанууд, шэнэ зүжэг тухай мэдээсэл эндэ саг болоод лэ гаража байха. Зүжэгшэдэй зохёохы намтар, ажабайдалда болоһон һонин ушарнууд, тохёолдоһон гайхалтай үйлэ хэрэгүүд уншагшадай анхаралда дурадхагдаха.
Буряад драмын театрай музейн даагша Намжилма Цыденова энэ хуудаһанай харюусалгата бэшээшэ. Мүнөөдэр Буряад театрай түрүүшын интернет - хуудаһан ирагдахань.
Буряад хэлэеэ нангинаар сахижа, саашань улам хүгжөөхэ зорилготойгоор, илангаяа түрэл буряад хэлэн дээрэ Буряад орон дотор боложо байһан үйлэ хэрэгүүдтэй ниитэ зониие танилсуулжа байха уялгатайгаар burunen.ru сайт зохёогдоһон гээд һануулая.
Ямаршье театр соо харагшадай танхим ба тайзан хоёрые хүшэгэ хубаан таһалаад байдаг
Зүжэгшэдтэй хамта харагшадай сэдьхэл мэдэрэлыемнай “мэхэлэн” эзэлдэг реквизитор ажалшадтай, тэдэнэй ажалтай танилсаябди
Театрай ордон хадаа онсо шэнжэтэй гэр гээшэ, тойроод байһан хотын байшангууд сооһоо энэ ордон тобойсо харагдажа, гоё һайханаараа илгардаг гэжэ бултанда мэдээжэ. Энэ нангин газарта олон зон соёл уралигай гэгээн элшэ хүсэнтэйнь уулзажа, элдэб һайхан мэдэрэлдэ абтажа, сэдьхэлээ баяжуулна ха юм. Тиимэһээ үни урдан сагһаа хойшо мүнөө болотор барилгашад театрай байшангые тад ондоогоор шэмэглэдэг заншалтай юм.