1154
«Буряад Уласай Толгойлогшо тухай»Буряад уласай хуулиин ёһоор Ородой Холбооной Уласай Юрэнхылэгшын шиидхэбэреэр «Буряад Уласай Толгойлогшын албан тушаалһаа буухадань, Буряад Уласай Засагай газарай гэшүүд баһал албан тушаалһаа бууна». Буряад уласай Засагай газарай түлөөлэгшэд бүгэдэ саг зуура уялга дүүргэгшэд болохо гэжэ «Буряад-Үнэн»хэблэлэй байшан мэдээсэнэ.
Буряад Уласай Толгойлогшын болон Засагай газарай захиргаанай гүрэнэй хуули-ёһоной хорооной түрүүлэгшэ Валерия Халтакшиновагай хэлэһэнэй ёһоор, мүнөөдэр албанһаа сүлөөлэгдэбэ гэһэн зарлиг абтаха. Хүдэлжэ байһан түрүүлыгшын орлогшонор болон сайдуудалбан тушаалһаа буулгагдаха. Буряад Уласай толгойлогшые һунгаха саг болотор тэдэнэр «уялга дүүргэгшэд» гээд ябаха болоно.
Вячеслав Наговицын февралиин долооной үдэр тушаалһаа болихо тухайгаа мэдүүлгэ бэшэжэ, Ородой Холбооной Уласай Юрэнхылэгшэ Владимир Путин тэрэниие тушаалһаань сүлөөлхэ гэһэн тогтоол абахатай хамта Алексей Цыденовые Буряад Уласай Толгойлогшын саг зуура уялга дүүргэшээр томилоо гэжэ һануулая.
Мүнөөдэр саг зуура толгойлогшын уялга дүүргэгшэ Алексей Цыденов Улаан-Үдэ ерэжэ, олондо мэдээсэл тараадаг хэрэгсэлнүүдэй түлөөлэгшэдтэй уулзаа. Буряад Уласай хүгжэлтын гол һалбаринууд хүдөө ажахы болон аяншалга гэжэ Алексей Цыденов тэмдэглэбэ.
Хэд тушаалһаа болёоб гэхэдэ:
Буряад Уласай Засагай газартүрүүлэгшын нэгэдэхи орлогшо – Иннокентий Егоров.
Буряад Уласай Засагай газарай болон Буряадай Уласай Толгойлогшын захиргаанай хүтэлбэрилэгшэ – Пётр Носков.
Буряад Уласай Засагай газарай түрүүлэгшын ниигэмэй һалбариин талаар орлогшо – Владимир Матханов.
Буряад Уласай Засагай газарай түрүүлэгшын һуури бүтэсын асуудалаар орлогшо – Николай Зубарев.
Буряад Уласай Засагай газарай түрүүлэгшын эдэй засагай хүгжэлтын талаар орлогшо – Александ Чепик.
Буряад Уласай Засагай газарай түрүүлэгшын хүдөө ажахын һалбариин талаар орлогшо - Буряад Уласай хүдөө ажахын, эдеэ хоолой сайд – Даба-Жалсан Чирипов.
Буряад Уласай Засагай газарай түрүүлэгшын орлогшо - Ородой Холбооной Уласай Юрэнхылэгшын дэргэдэ Буряад Уласай Засагай газар түлөөлэгшэ – Анатолий Лехатинов.
Буряад Уласай сайдууд:
Эдэй засагай сайд – Зандра Сангадиев.
Мүнгэн сангай сайд – Игорь Шутенков.
Зөөриин, газарай харилсаанай сайд – Маргарита Магомедова.
Барилгын болон гэр байрын ажахы шэнэдхэлэй сайд – Николай Рузавин.
Транспортын, элшэ хүсэнэй, харгын ажахын сайд – Сергей Козлов.
Промышленностиин, худалдаанай сайд – Алексей Мишенин.
Ниигэмэй туһаламжын сайд – Татьяна Быкова.
Элүүрые хамгаалгын сайд – Валерий Кожевников.
Соёлой сайд – Тимур Цыбиков.
Спорт, залуушуулай талаар сайд – Баир Ангуров.
Монголдо Буряад Уласай түлөөлэлгын газарай хүтэлбэрилэгшэ – Сергей Будажапов.
