​Наран хаана хонодог бэ?

Иимэ гаршаг доро үхибүүдтэ зорюулһан бага туужану­удай согсолбори Дарима Башкуева хэблэлдэ гар­габа. Шэнэ номтой танилсалга Үндэһэтэнэй номой санда февра­лиин 10-ай 15.00 сагта эхилхэ бай­на.

Номтой танилсалгын үедэ Дари­ма Башкуевагай зүжэгүүд үхибүүдэй хабаадалгатайгаар табигдаха. Гадна дуу, хатар дэлгээгдэхэ. Уран зохё­олшод, эрдэмтэд, сурбалжалагшад номтой танилсалгын хэмжээндэ оролсохо гээд хүлеэгдэнэ.

Гэнэн хонгор үхибүүдэй гэгээн юртэмсэ гэрэлтүүлһэн «Наран хаа­на хонодог бэ?» гэжэ согсолбори до­тор ород болон буряад хэлэн дээрэ богонихон рассказууд ороно. Уран зурааша Ирина Чемезова энэ ном шэмэглэһэн байна.

Дарима Самбуева-Башкуева Хори аймагай Баянгол нютагта түрэһэн. 1979 ондо Зүүн-Сибириин соёлой дээдэ һургуулиин зүжэг найруулгын таһагые түгэсхөө. Буряадай гүрэнэй телевиденидэ най­руулагшаар олон жэлдэ хүдэлһэн намтартай. Тиихэдээ үхибүүдтэ зорюулһан «Унтаахай», «Буряад хэлэнэй хэшээлнүүд» гэһэн дамжуул­гануудые зохёон байгуулһан намтартай. Туужаһаа гадна зүжэгүүдые бэшэнэ. Зохёолнуудынь «Байгал» сэтгүүлдэ хэблэгдэһэн.