​Үндэр долгито үдэшэ

Николай Дамдиновай түрэһөөр 85 жэлэй ойдо зорюулжа, үндэр долгито үдэшэ И. Калашниковай нэрэмжэтэ номой сан соо һая бо­ложо үнгэрөө.

Энэ хэмжээ ябуулга Николай Гар­маевичай басаган Дышигма Нико­лаевна Дамдинова-Гармаева үүсхэн эмхидхэһэн байна.

Түрэһэн тоонтынь хүндэтэ хүнүүд – Буряадай түрүүшын пре­зидент Л.В. Потапов, уласай ве­терануудай соведэй түрүүлэгшэ Р.Б.Гармаев, соёлой министр Т.Г. Цыбиков, Баргажанай болон Хурам­хаанай аймагуудай толгойлогшод А.Л. Балуев, В.В. Сультимов, Ород гүрэнэй арадай артист М.Г. Елбо­нов болон бусад нютагһаань урган гараһан бэлигтэ хүбүүн тухайгаа үлзы һайхан үгэеэ, дурсалгануудаа зорюулба.

Буряадай Уран зохёолшодой хол­бооной түрүүлэгшэ М.Р. Чойбонов, Буряадай арадай уран зохёолшо А.Л. Ангархаев, КПРФ-эй рескомой нэгэдэхи секретарь В.М. Мархаев, уран зохёолшо В.Г. Митыпов, «Ариг Ус» телерадиокомпаниин толгойлогшо Т.Е. Мантатова болон бусад Николай Дамдиновай зохёохы ажал ябуулга тухай һанамжаяа элирхэй­лэн хэлэхэдээ, сагай ошохо тума бүтээлнүүдынь бүришье удха нэмэ­жэ, уянгань хүнэй сэдьхэл улам дол­гисуулжал байна гэжэ тэмдэглэбэ.

Буряадай домог суута дуушан Галина Шойдагбаева һайхан бодол һалбаруулма энэ үдэшые бии бэли­гээрээ шэмэглэжэ, мартагдашагүй дурасхаал сэдьхэлдэ үлөөгөө юм.

Хотын И. Калашниковай нэрэмжэтэ номой сангай сайтһаа абтаһан гэрэл зурагууд

М.Г. Елбо­нов болон бусад нютагһаань урган гараһан бэлигтэ хүбүүн тухайгаа үлзы һайхан үгэеэ, дурсалгануудаа зорюулаа