​Буряад Уласта Аяншалгын яаман байгуулха тухай тогтоол Алексей Цыденов абаха

Буряад Уласай Толгойлогшо Алексей Цыденов Буряад Уласта Аяншалгын яаман байгуулха тухаай тогтоол абаха.

Буряад Уласай Эдэй засагай яаманай аяншалгын хороондо үндэһэлэн, шэнэ яаман байгуулагдаха. Энээн тухай апрель һарада Алексей Цыденов хэлэһэн байна гэжэ һануулнабди. Тиихэдэ Буряад Уласай Соёлой яаманай үүргэ үргэдхэгдэжэ, Соёлой болон аяншалгын яаман болохо гэжэ хэлэгдэһэн байгаа. Һаяын үдэрнүүдтэ шэнэ байгуулагдаһан яаман хүтэлбэрилхэ хүниие шэлэн абалгын, нээмэл конкурс соносхогдохо юм. Тиихэдэ Мүнгэн сангай, Эдэй засагай, Элүүрые хамгаалгын болон Соёлой яамануудай хүтэлбэрилэгшэд баһал кокурсын дүнгүүдээр шэлэн абтаха юм.