​Буряад улас Гүрэнэй Дүүмэдэ хоердохи депутаттай болобо

Николай Будуевта «Единая Россия» паартиин түбэй штабай зүгhѳѳ сентябриин 28-да депутадай мандат дамжуулагдаба. Паартиингаа тобьегоор Гүрэнэй Дүүмэдэ депутат болоhон аад, тушаалтаяа зэргэ тэрэнээ хэрэглэхэ эрхэгүй албатад удаадахи ээлжээндэ байhан кандидадуудтаа мандадуудаа хубаарилжа үгѳѳ. Тиин Россин правительствын түрүүлэгшэ Дмитий Медведвай мандат ээлжээндэ нэгэ дугаар байгаа Николай Будуевта дамжуулагдаа. «Единая Россия» паартиин нэгэдүүлhэн Эрхуугэй можоор, Буряад уласаар болон Забайкалиин хизаараар нэгэ дугаар Иосиф Кобзон, хоер дугаар Николай Николаев, гурба дугаар Николай Будуев тобьето тодорхойлогдожо, урда хоерынь тэрэ дороо депутадай hуури эзэлхэ болоо бэлэй. Николай Робертовичто hунгагшадай хэдыхэн хуби хоолой хүртѳѳгуй байжа, hая болотор хуби заяниинь эли бэшэ байгаа. Теэд одоол Дүүмын депутат боложо тодорhондоо Николай Будуев урмаяа мэдүүлжэ, түбхын түрүүндэ Буряадайнгаа урда байгаа гурбан ехэ бэрхэшээл шиидхэхын тула хусэ шадалаа элсүүлхэб гэжэ хэлээ. Нэгэдэхи зорилгонь гэхэдэ, зайн галай тарифуудые доошолуулха, хоердохинь-засагта эдилгэ абалгые болюулха, гурбадахинь-байгаали хамгаалгын талаар оролдохоб гэжэ тэмдэглээ. Дмитрий Медведевай мандат абажа байхадаа, харюусалга улам дээшэлнэ, hунгагшадайнгаа, арад зонойнгоо хүсэл найдалнуудыень дүүргэхэ гэжэ улам эдэбхитэйгээр хүдэлхэб гээд депутат хэлээ.