Һуралсалай түсэбөөр, 3-дахи дабхарта оршодог нэгэ аудиторидо түймэр соробхилжо, оньһон түхеэрэлгэнүүд энээн тухай дохео тэмдэг үгэбэ. Оюутад болон багшанар энэ байшанһаа газаашаа гарабад. Харуулай албанай хүдэлмэрилэгшэд түймэр сарагшадые болон абаралгын албанай мэргэжэлтэдые хонходожо, дуудаба. Хүдөө ажахын академиин байшанһаа хоер мянга шахуу хүн гаргагдаба. Тиигэбэшье, һуралсалай гуримаар дүрбэдэхи дабхарай хоер ондоо аудиторинуудта байһан оюутадые абархын тула «автогэшхүүр» хэрэглэгдэбэ, үшөө нэгэ оюутаниие түймэр сарагшад гурбадахи дабхарта оложо, газаашань гаргаад, эмшэдтэ дамжуулба. Россин МЧС-эй Буряад Уластахи гол управлениин таһагые даагша Андрей Боркиной дуулгаһаар, түймэр 20 минутын туршада усадхагдаба.
Фото МЧС России по РБ