​Гүрэнэй Дүүмэдэ һуурияа олоо һунгамалнууднай

"Нэгэдэмэл ниитэ Росси” намай тобьёгоор хуули зохёон гаргадаг засагай дээдын зургаанай һунгамал болоһон Николай Будуев Гүрэнэй Дүүмын Байгаалиин нөөсэнүүдэй, эд зөөриин болон газарай харилсаануудай талаар хорооной түрүүлэгшын орлогшоор томилогдоо гэһэн һонин үнгэрэгшэ долоондо тунхаглагдаба.

Харин тиихэдэ манай уласай нэгэ мандадтай тойрогоор һунгагдаһан Алдар Дамдинов Дүүмын Болбосоролой болон эрдэм ухаанай хорооной гэшүүн болоһон байха юм. Энэньшье ойлгосотой. Мүнөө болотор Алдар Валерьевичэй ажалайнь намтар тус һалбаритай таһаршагүй холбоотой. Гүрэнэй Дүүмэдэшье хүдэлхэдөө, анхан хэжэ байһан ажалаа аша үрэтэйгөөр, амжалта түгэс үргэлжэлүүлхэнь дамжаггүй. Олон зон Дүүмын хороонуудай нэгэндэнь ороходоо, Алдар Дамдинов түрүүлэгшын орлогшоһоо доошо бэшэ тушаал эзэлхэ гээд найдаһан байгаа. “Ямар юумэндэ үндэһэлжэ, иимэ хөөрэлдөөнүүд бии болоһон байгаа юм, би мэдэнэгүйб, - гээд, һунгамал өөрөө хэлэбэ. – Юрыншье депутадаар хүдэлхэдөө, тушаалта һунгамалһаа дутуу бэшээр ажаллахаар гэжэ һананаб. Гадна, тушаалда “уягдашоод”, гүрэнэй ниислэлдэ һуунгүй, нютагаа ходо эрьежэ, һунгагшадтаяа уулзажа, шиидхэгдээгүй асуудалнуудые уласайнгаа засагай зургаануудтай хэлсэжэ хүдэлхэдэ, бүри тааруу”.

Описание: Алдар Дамдинов: "... Юрыншье депутадаар хүдэлхэдөө, тушаалта һунгамалһаа дутуу бэшээр ажаллахаар гэжэ һананаб..."

Манай депутат Николай Будуевые гүрэнэй парламентын доодо палатын хорооной түрүүлэгшын орлогшоор дэбжүүлхэдээ, тэрэнэй урид ябуулжа байһан ажалынь хараада абтаа гээд засаг баридаг намай хүтэлбэриин түлөөлэгшэд мэдээсээ. Харин өөрөө һунгамалнай урид ябуулжа байһан ниитын ажалаа мүн лэ саашань хэхэ хүсэлтэй байһанаа сэтгүүлшэдтэ мэдүүлээд, илангаяа Байгал далай хамгаалгада анхаралаа хандуулхаб гэжэ онсолһон байна.

Федеральна Суглаанай доодо палата – долоодохи зарлалай Гүрэнэй Дүүмын түрүүшын сесси энэ һарын 5-да Москвада эхилжэ, хуули зохёон гаргадаг засагай дээдын зургаанай түүхэдэ үшөө нэгэ хуудаһан ирагдаа. 450 һунгамалнууд сооһоо 343-ниинь “Нэгэдэмэл ниитэ Росси” гэһэн засаг баригша намай түлөөлэгшэд гээд һануулая. Гүрэнэй Дүүмын дарганар, бүхы хороонуудай түрүүлэгшэнэр, тэдэнэй олон тоото орлогшонор (ганса Будуевай ороһон хорооной дарга нэгэдэхи гурбан орлогшотой, юрын хоёр орлогшотой) түрүүшын сессидэ тушаалнуудаа эзэлжэ, томилогдоһон байха юм.

Энэл түрүүшын сесси дээрэ арадай һунгамалнууд удаарангүй, ехэ яаралтай, түргэн шууд гэхээр хамсыгаа шамажа, ажалдаа шармайн ороод, аяар 40 гаран асуудал гансата харажархёо. Эдэ олон асуудалнуудайнь сэдэбүүд – парламентын үдэр бүриин ажал зохёолгын дүримүүдһээ эхилээд, уласхоорондын хэмжээндэ хүрэтэр.

“Сириин Араб Уласай дэбисхэр дээрэ Ородой Холбооной Зэбсэгтэ Хүсэнүүдэй агаарай бүлэг байрлуулха тухай Ородой Холбоон болон Сириин Араб Улас хоёрой хоорондохи Хэлсээ баталжа, хүсэндэнь оруулха тухай” Федеральна Хуулиин түсэл онсо һуури эзэлнэ. Энэмнай – дэлхэй дээрэ тогтоод байһан оршон байдалда нүлөөлхэ аргатай, тон шухала шиидхэбэри.

Үшөө тиихэдэ пенсионернүүдтэ нэгэ удаа түлэгдэхэ тэдхэмжэ тухай хуулиин түсэлэй нэгэдэхи уншалга. Орон доторнай мүнгэ зөөриин дуталдажа байгаашье һаань, засаг баригшад хэлэһэн үгэдөө эзэд боложо, энэ хуулиие түргөөр баталан абаха амжалтатай һэдэлгэ хэбэ.

Мүн баһа зарим эрхэтэдэй коммунальна түлбэринүүдые гүрэнэй бюджедһээ түлэхэ улас түрын бүрин эрхэнүүдые регионуудта дамжуулха талаар Ородой Холбооной хуулита зарим шиидхэбэринүүдтэ хубилалтануудые оруулха тухай болон бусад олон хуулинуудай түсэлнүүдые һунгамалнууд хаража һайшаагаа. Эдэ олон асуудалнуудаар дуугаа үгэлгэдэ манай хоёр һунгамал хабаадахадаа, баһал зүбшөөһэн байха юм.

Манай депутат Николай Будуевые гүрэнэй парламентын доодо палатын хорооной түрүүлэгшын орлогшоор дэбжүүлхэдээ, тэрэнэй урид ябуулжа байһан ажалынь хараада абтаа гээд засаг баридаг намай хүтэлбэриин түлөөлэгшэд мэдээсээ. Харин өөрөө һунгамалнай урид ябуулжа байһан ниитын ажалаа мүн лэ саашань хэхэ хүсэлтэй байһанаа сэтгүүлшэдтэ мэдүүлээд, илангаяа Байгал далай хамгаалгада анхаралаа хандуулхаб гэжэ онсолһон байна.

Федеральна Суглаанай доодо палата – долоодохи зарлалай Гүрэнэй Дүүмын түрүүшын сесси энэ һарын 5-да Москвада эхилжэ, хуули зохёон гаргадаг засагай дээдын зургаанай түүхэдэ үшөө нэгэ хуудаһан ирагдаа. 450 һунгамалнууд сооһоо 343-ниинь “Нэгэдэмэл ниитэ Росси” гэһэн засаг баригша намай түлөөлэгшэд гээд һануулая. Гүрэнэй Дүүмын дарганар, бүхы хороонуудай түрүүлэгшэнэр, тэдэнэй олон тоото орлогшонор (ганса Будуевай ороһон хорооной дарга нэгэдэхи гурбан орлогшотой, юрын хоёр орлогшотой) түрүүшын сессидэ тушаалнуудаа эзэлжэ, томилогдоһон байха юм.

Энэл түрүүшын сесси дээрэ арадай һунгамалнууд удаарангүй, ехэ яаралтай, түргэн шууд гэхээр хамсыгаа шамажа, ажалдаа шармайн ороод, аяар 40 гаран асуудал гансата харажархёо. Эдэ олон асуудалнуудайнь сэдэбүүд –парламентын үдэр бүриин ажал зохёолгын дүримүүдһээ эхилээд, уласхоорондын хэмжээндэ хүрэтэр.

“Сириин Араб Уласай дэбисхэр дээрэ Ородой Холбооной Зэбсэгтэ Хүсэнүүдэй агаарай бүлэг байрлуулха тухай Ородой Холбоон болон Сириин Араб Улас хоёрой хоорондохи Хэлсээ баталжа, хүсэндэнь оруулха тухай” Федеральна Хуулиин түсэл онсо һуури эзэлнэ. Энэмнай – дэлхэй дээрэ тогтоод байһан оршон байдалда нүлөөлхэ аргатай, тон шухала шиидхэбэри.

Үшөө тиихэдэ пенсионернүүдтэ нэгэ удаа түлэгдэхэ тэдхэмжэ тухай хуулиин түсэлэй нэгэдэхи уншалга. Орон доторнай мүнгэ зөөриин дуталдажа байгаашье һаань, засаг баригшад хэлэһэн үгэдөө эзэд боложо, энэ хуулиие түргөөр баталан абаха амжалтатай һэдэлгэ хэбэ.

Мүн баһа зарим эрхэтэдэй коммунальна түлбэринүүдые гүрэнэй бюджедһээ түлэхэ улас түрын бүрин эрхэнүүдые регионуудта дамжуулха талаар Ородой Холбооной хуулита зарим шиидхэбэринүүдтэ хубилалтануудые оруулха тухай болон бусад олон хуулинуудай түсэлнүүдые һунгамалнууд хаража һайшаагаа. Эдэ олон асуудалнуудаар дуугаа үгэлгэдэ манай хоёр һунгамал хабаадахадаа, баһал зүбшөөһэн байха юм.