812
2017 ондо Буряад Уласай бюджет 20 миллиард гаран түхэригэй олзо оршотой байхаар түсэблэгдэнэ. Гол түлэб налогуудай хэмжээнһээ иимэ олзо оршо мүнгэн һанда орохо.
Эрхэтэдэй ажалай налог болон олзо оршын, зөөриин татабаринууд ехэ үүргэ дүүргэнэ гээшэ. Тэрэшэлэн, акцизуудай түлбэриһөө Буряадай бюджедэй 100-най 10 хуби бүридэнэ. Гэхэтэй хамта, мэргэжэлтэдэй һанамжаар, 2017 ондо харгын аюулгүй байдал һайнаар сахиһанай ашаар 600 миллион түхэриг хэмжээндэ яла түлэгдэхэгүй.
Буряад Уласай Арадай Хуралай хэблэлэй албанай мэдээсэһээр, ерэхэ жэлэй бюджедэй хэмжээн эрид дээшэлхэгүй, тиихэдэ ехэ доошолхошьегүй. Гүрэн түрын засагһаа үгтэһэн мүнгэн туһаламжа бюджедэй хахадынь болоно гэжэ тэмдэглэлтэй.
