Буряад хэлэнэй багшанарай «Эрхим багша» гэһэн урилдаан Буряад Уласта уласхоорондын хэмжээндэ түрүүшынхиеэүнгэрбэ. Монголой, Эрхүү можын, Үбэр Байгалай хизаарай, Буряад Уласай аймагуудай болон Улаан-Үдэ хотын дунда һургуулинуудай 32 багша энэ урилдаанда оролсоо. Үсэгэлдэр, ноябриин 24-дэ, Буряад Уласай ехэ һургуулида илагшадай нэрэнүүд элирээ.
Фото Анны ОГОРОДНИК
Фото Анны ОГОРОДНИК
Фото Анны ОГОРОДНИК
Буряад Уласай Болбосоролой болон эрдэм ухаанай сайдай уялга дүүргэгшэ Баяр Жалсанов «Эрхим багша» гэжэ урилдаанай нээлгын ёһололдо хабаадахадаа, буряад хэлэнэй асуудалаар зарим сошордомо тоо, баримтануудые дуулгаһан юм. Социологиин мэдээгээр, 2002 ондо буряад арадаймнай түлөөлэгшэдэй зуунай 78 хубинь түрэлхи хэлэеэ мэдэдэг байгаа һаань, 2015 ондо буряад хэлэтэйшүүлэй тоо улам доошолоо. 6-16 наһанай үхибүүдэй дундаһаа зуунай 16 хубинь, тиихэдэ 1-6 наһанай хүүгэд сооһоо 27 процентнь буряадаар харилсажа шадаха аргатай байна гээд элирээ. Эгээл тиимэһээ энэ урилдаан болболтүрэлхи хэлэнэй багшанарай мэргэжэл дээшэлүүлхэ, ажалаа хани барисаатайгаар ябуулхагэхэ мэтын олон зорилго урдаа табина гээд, Баяр Жалсанов тэмдэглэһэн байна.
Фото Анны ОГОРОДНИК
Фото Анны ОГОРОДНИК
Фото Анны ОГОРОДНИК
Багшанар 3 үдэрэй туршада хаба шадалаа туршалсажа, нээмэл хэшээлнүүдые, гэртэхинтэй суглаа гэхэ мэтые жюриин урда хэжэ харуулаа. Түгэсхэлэй һүүлшын шатада 4 багша «Багшын омогорол» гэһэн сэдэбээр найруулгануудые бэшээд, жюриин үмэнэ уншажа үгэһэн байна.
Фото Анны ОГОРОДНИК
Фото Анны ОГОРОДНИК
Фото Анны ОГОРОДНИК
«Эрхим багша» урилдаанай түгэсхэлэй ёһолол Буряад Уласай ехэ һургуулиин бага танхим соо үнгэрөө. Буряад Уласай Засагай газарай түлөөлэгшэд, аймагуудай засаг дарганар, һургуулиинуудай захирал багшаяа дэмжэхэеэ олоор ерээ. Буряадай Гүрэнэй Дүүмын һунгамал Алдар Дамдинов үгэ абажа, үнгэрһэн һунгалтада багшанарай өөрыень дэмжэһэнэй түлөө баяраа мэдүүлээд, «Эрхим багша» урилдаанда хабаадагшадта шангуудые барюулаа.
Фото Анны ОГОРОДНИК
Фото Анны ОГОРОДНИК
Тиигэжэ Үбэр Байгалай хизаарай Агын тойрогой Дулдаргын аймагай Алханын дунда һургуулиин багша Цыцыгма Рашаевна Дашиева 3-дахи шатын дипломоор шагнагдаба. Улаан-Үдын 29-дэхи буряад гимназиин багша Бутид Цырендоржиевна Цыремпилова 2-дохи шатын диплом абаа. Хүршэ Монгол ороной Булган аймагай Сайхан сүмын түрэлхи хэлэнэй багша Зоригт Золжаргал 1-дэхи шатын дипломдо хүртөө. Харин анха удаа Уласхоорондын хэмжээндэ эрхилэгдэһэн «Эрхим багша» урилдаанай түрүү һуури – Гран-при шан Ивалгын юрэнхы һурасалай дунда һургуулиин буряад хэлэнэй багша Наталья Бадмажаповна Ширапова абаба.
«Буряад үнэн» сониной удаадахи дугаарта «Эрхим багша» урилдаанһаа дэлгэрэнгы мэдээсэл бэшэжэ гаргахабди.