​Нигүүлэсхы сэдьхэлэй үдэшэ

Хабдарай үбшэнтэй хүүгэдтэ туhалхын тула нигүүлэсхы сэдьхэлэй үдэшэ дахина декабриин 9-дэ эмхидхэгдэхэнь.

Буряадай толгойлогшын дэмжэлтээр болодог энэ үйлэ хэрэг Буряадай гүрэнэй ехэ һургуулиин хатарай заал дотор зарлагданхай. Эндэ уласай оперын, эстрадын болон циркын одод багахан концерт харуулжа, сугларагшадые баясуулха. Удаань аукцион соносхогдожо, уран гартанай бүтээлнүүд наймаанда дурадхагдаха юм. Чингиз Шонхоровай «Татасын хүсэн», Алена Цыденовагай «Хоргодолсоон», Бальжинима Доржиевай «Миисгээтэй натюрморт» гэhэн зурагууд, Евгений Болсобоевой «Гэсэрэй түрэhэн газараар» гэжэ гравюра болон Буянто Ошоровай «Эжыдээ» гэжэ скульптура табигдаха гээд эмхидхэгшэд дуулгаба. Худалдаанда сугларhан бүхы мүнгэн хабдартай үхибүүдые аргалха хэрэгтэ шэглүүлэгдэхэ.