​Залуу тамиршадай амжалта

Түнхэн аймагай Ар­шаан һууринай Виктория Харито­нова 1996- 2002 онуудай басагадай дунда Ород гүрэнэй чемпионад­та түрүүшын һуури эзэлбэ. Бүхы дээрэ Буряад Уласай эдир тамиршад дүрбэн ме­даль абаа.

Февраль һарын эхинһээ Орёл хотодо бүхэроссиин гурбан ехэ хэмжээнэй мүрысөөн үнгэргэгдөө гэжэ хэлэхэ хэрэгтэй. Залуушуулай дунда мүрысөөн эндэ һүүлшын байжа, үнгэрһэн долоон хоногой эсэстэ түгэсэбэ. Тус хэмжээ ябуул­гануудта шалгарһан тамир­шад Ородой суглуулагдамал командын бүридэлдэ оруу­лагдажа, Франциин Виттель хотодо март һарын эхиндэ болохо Европын чемпионад­та хабаадаха юм.

Виктория Харитоно­ва эндэ Ородой Холбооной спортын мастер болоһоноо нэн түрүүн гэршэлээ. Фи­налда манай һур харбагша Башкортостан Уласай Эли­на Шарипова гэгшые шүүжэ гараа. Энэл мүрысөөндэ Бу­ряадай үшөө нэгэ тамирша Светлана Гомбоева гурбада­хи һуурида гараа.

Командна тоосоондо Бу­ряадай хүбүүд, басагад хоёр хүрэл медаль абажа шадаа. Суглуулагдамал командын бүридэлдэ хэд оруулагдааб гэхэдэ, Виктория Харитоно­ва, Чимита Лубсанова, Инна Таханова, Алдар Гомбожа­пов, Эрдэм Ирдынеев, Жар­гал Батоев гэгшэд.

Хубиин тоосоондо Базар­жап Цыбенов 4-дэхи һуури эзэлээ гээд тэмдэглэе.

Залуушуулай дунда мүрысөөндэ 300 гаран та­миршад бэеэ туршаа.