766
Буряад Уласай Толгойлогшын уялга саг зуура дүүргэгшэ Алексей Цыденов Засагай газарай гэшүүдтэй үнгэрһэн арбан дүрбэдэхи Үбэлэй наадануудай дүнгүүдые согсолжо, хүүгэдэй спортын наадануудые эмхидхэхэ тухай даабари үгэбэ.
- Хүүгэдэй спортын надаануудые эмхидхэжэ, һуралсалай хаһын дүүрээд байхада, зунай амаралтын үедэ үнгэргэхэдэ болоно,- гэжэ Алексей Цыденов хэлэбэ.
Хаана, хэзээ, хайшан гэжэ эдэ мүрысөөнүүд үнгэрхэб гэһэн асуудалнуудые һайса бодомжолжо үзөөд, зохихо шиидхэбэринүүдые абаха хэрэгтэй гэжэ Алексей Цыденов тодорхойлбо.
Үбэлэй хүдөөгэй нааданууд гарагай зургаанда Мухар- Шэбэртэ түгэсэбэ гэжэ мэдээжэ. Спортын болон залуушуулай бодолгын талаар сайд Баир Ангуровай хэлэһэнэй ёһоор, түрүүшынхиеэ Буряад Уласай бүхы аймагуудай түлөөлэгшэд энэ нааданда хабаадаба. Нааданай дүнгүүдээр Кабанск аймаг түрүү һуури эзэлээ,удаадахи һууринуудые Мухар-Шэбэр болон Загарай аймагууд эзэлээ. Илаһан команда “УАЗ 452” машина бэлэгтэ хүртөө. Удаадахи үбэлэй наадануудые түрүү һуури эзэлһэн Кабанск аймаг үнгэргэхэ болобо. Буряад Уласай Толгойлогшын уялга саг зуура дүүргэгшэ илагшадые амаршалаад, Кабанск аймагай хүтэлбэрилэгшые урмашуулха тухай дурадхал оруулба гэжэ Засагай газарай хэблэлэй албан мэдээсэнэ.
pixabay сайтһаа гэрэл зураг абтаба.
