738
Буряад Уласай Кабанск аймагта оршодог Мамай хадаһаа ехээр саһан буужа, нэгэ хүн гэнэ усалда орожо, наһа бараба гэжэ Ородой Холбоото Уласай Буряад Уластахи Онсо байдалай талаар яаманай гол хүтэлбэри мэдээсэнэ. Тиимэһэээ тэдэнэр хүнүүдэй хадаар аяншалгые хорино.
Хадаар аяншалха дуратайшуул эртээнһээ бэлэдхэл хэжэ, ямар уларил байхаб гэжэ мэдэхэ, мүн бэдэрэлгэ- абаралгын албанда аянда гараха тухайгаа мэдүүлгэ оруулха шухала гэжэ абарагшад һануулна.
Байгша оной январиин 28-да Кабанск аймагай “Большой Мамай” хадада ехэ саһан доро Эрхүү можын ажаһуугша даруулшаһан юм. Февралиин 11-дэ Түнхэн аймагай “Броненосец” хадын үндэртэ абиржа байһан бүлэг хүнүүдэй нэгэн саһан доро орожо гэмэлтээ. Буряад Уласай бэдэрэлгэ- абаралгын албан тэрээндэ туһа хүргэһэн байна.
Хадаар аяншалха дуратайшуулай бэдэрэлгэ-абаралгын албанда мэдүүлгэ оруулха шухала. Уларилай шэнжэ эртээнһээ мэдээд дуулгаха, гэнтын ушар болоо һаань хаанаһаа холбоо бариха тухай болон тэдэнэй хаагуур аяншалхааар, ябахаар бэ гэжэ мэргэжэлтэд хэлэжэ, хөөрэжэ үгэхэ аргатай ха юм.
Хэды хүнһөө бүридэһэн бүлэг ямар аян замаар гарааб гэжэ мэдээжэ байхадань, алибаа ушарай тохеёолдоо һаа, бэдэрэлгын албан богони саг сооо туһа хүргэжэ шадаха бшуу .
