521
Эсэгэ ороноо хамгаалгын Агууехэ дайнай ветерануудые гэр байратай болгохын тула федеральна мүнгэн һанһаа 2016 ондо 108 млн түхэриг Буряад Уласта үгтэһэн байна. Манай уласта ажаһуудаг 90 ветерануудта гэр байра абаха үнэмшэлгэнүүд барюулагдаһан юм.
Гэр байраяа һайжаруулха ээлжээндэ 39 ветеранууд мүнөө дээрээ тоологдоно. 2017 ондо федеральна бюджедһээ 34, 6млн. түхэриг һомологдохоор хүлеэгдэнэ. Тиигэжэ дайнай 28 ветеранууд гэр байратай болохо юм.
Федеральна бюджедһээ гаргашалагдаһан мүнгэнэй ашаар шэнэ гэр байратай болоодүй ветерануудай мүнөө ажаһуудаг гэрнүүдтэ заһабарилгын ажал үргэлжэлүүлэгдэхэ. Тиихэдэ дайнда хабаадагшадай һамгадта, Ленинград хотодо блокадын үедэ ажаһуугшадта болон бага наһандаа фашизмһаа хохидогшодто туһа хүргэгдэхэ. Энэ хэмжээ ябуулгада 2017 оной май һарада 1 млн. түхэригһөө дээшэ мүнгэн гаргашалагдаха юм.
