588
Буряад Уласай Толгойлогшын уялга саг зуура дүүргэшэ Алексей Цыденов Байгаалиин нөөсэнүүдэй яаманда һалбариингаа эмхи зургаануудта ой модо шалгагшадые олон болгохо тухай мэдүүлгэ оруулхыень даабари үгэбэ. Тэдэнэр ой модон яажа хэрэглэгдэнэб, хэды шэнээн модон бэлдэгдэнэб, үйлэдбэрилэгдэнэб, гаргагданаб гэхэ мэтые шалгаха болоно.
Буряад Уласай газар дайдада 2600 ой модо шалгагшад хүдэлхэ ёһотой.
- Ойн хиналга, ойн харууһалалга болон түймэр хиналга ябуулдаг ажалшадай тоо оройдоол 153 юм. Тэдэнэйнь 119-иинь ойн харуулшад. Нормативай ёһоор үшөө 2632 хүн дуталдана, - гэжэ Буряад Уласай Толгойлогшын уялга саг зуура дүүргэгшэ Алексей Цыденовэй хүтэлбэрилһэн зүблөөн дээрэ Уласай ойн ажахын агентствын хүтэлбэрилэгшэ Александр Мартынов хэлэбэ.
Ойн ажахын агентствын мэдээсэһээр, дутаһан мэргэжэлтэдые ажалаар хангахын тула 1млрд. 651 млн. түхэриг гаргашалагдаха болоно.
- Мэдүүлгэ дахин оруулха шухала. Ородой Холбоото Уласай Юрэнхылэгшын даабаряар тэрэ бэелүүлэгдэхэ ёһотой . Апрель һарада харюу абаха болонобди, – гэжэ Алексей Цыденов хэлэбэ.
Энээнтэй хамта Буряад Уласай Байгаалиин нөөсэнүүдэй яаман Ородой Холбоото Уласай Ойн кодексдо болон захиргаанай зүгһөө хуули эбдэһэн ушарнууд тухай кодексдо хубилалтануудые оруулха тухай дурадхаба .
Саашадаа ой модо ашаглалгые бүридхэхэ ажал нарижуулан һайжаруулха талаар тааруу даабаринуудые бэлдэхэ хэрэгтэй гэжэ Буряад Уласай Толгойлогшын уялга саг зуура дүүргэгшэАлексей Цыденов тэмдэглэбэ.
