​Шоно агнуури

2017 оной мартын 24-нэй тоо баримтануудай ёһоор, Буряад Уласта 157 шоно хороогдоо. Шононуудай тоо олон болгохогүй гэһэн зорилготойгоор иимэ ажал ябуулагдана.

Буряад Уласай Байгаалиин нөөсэнүүдэй яаманай мэдээсэһээр, баригдаһан шонын түлөө мүнгэн түлэгдэдэг. Эмэ,эрэ шоно гэжэ илгаагүй, наһыень хараада абангүй 5мянган түхэриг уласай бюджедһээ түлэгдэдэг юм. Үшөө тиихэдэ аймаг бүхэн шоно агнагшадые дэмжэжэ, өөрынгөө зүгһөө мүнгэ түлэдэг. Тэрэнь 2 мянганһаа 7 мянган түхэриг хүрэтэр болодог. Шоно агнагшадые дэмжэхэ талаар ондоошье хэмжээнүүд абтанхай.