575
Буряад Уласай Толгойлогшын уялга саг зуура дүүргэгшэ үсэгэлдэр үдэшэ Алексей Цыденов Хэжэнгэ аймагай Худанай үртөө (Кодунский станок) һууринай һуралсал- соёлой түбтэ хүрэһэн байна. Удаань Худан гол дээгүүр баригдажа байһан хүүргэ хараба. Мүнөөдэр Алексей Цыденов фермернүүдэй ажахынуудые хүгжөөлгын болон мяха буйлуулгын талаар холын хараатай түсэбүүд тухай асуудалнуудые зүбшэн хэлсэхэ юм. Тиихэдээ фермернүүдэй ажахынуудта хүрэхэ болоно. Эдэрмэг һууринда мяха болбосоруулдаг үйлэдбэри Алексей Самбуевич хараха юм. Бериллий гэһэн ашагта малтамал олодог Ермаковско карьертэ ошохо түсэбтэй.
Алексей Цыденов ниигэмэй эмхи зургануудые –Хэжэнгын лицей-hургуули, “Хэжэнгэ” гэһэн хүүгэдэй лагерь болон Дээдэ Хэжэнгын һургуулиин спортын байшанай барилга хараха юм. Хэжэнгэ һууринда баригдаха спортивна комплексын һуури хараха, “Джарун Хашорой” субаргада хүрэхэ юм.
Буряад Уласай Толгойлогшын уялга саг зуура дүүргэгшэ Алексей Цыденов болон Засагай газарай гэшүүдэй гол зорилго хадаа ниитэ ажаябуулагшадтай, ТОС-уудай эдэбхитэдтэй, һомонуудай, үйлэдбэринүүдэй, эмхи зургаануудай хүтэлбэрилэгшэдтэй уулзажа хөөрэлдэхэ гэхэ мэтэ түсэбүүдэйнь шухала болоно. Ажаһуугшад Алексей Цыденовтэ асуудалнуудые табиха, дурадхалнуудые оруулха аргатай юм.
Анна Огроднигой гэрэл зураг.
