729
Ородой Холбоото Уласай ГТО тушааха түүхэдэ түрүүшынхиеэ Ородой гол гурбан шажан мүргэлэй нэгэн болохо буддын шажантан энэ норматив тушаажа эхилбэ.
Ородой Холбооной Буддын шажанай заншалта Сангхын түлөөлэгшэд Буряад Уласай олон ажаһуугшадтай хамта ГТО тушаана. Түбэй стадионой буудалгын түбтэ ламанар пневматическа буугаар буудажа, 100 метрэй зайда гүйлдэжэ, утые харайжа, бэеэ шалгаба. Бэеэ татажа, бүхы ламанар болон хубарагууд “алтан” тэмдэгтэ (значок) хүртэхэ норматив тушаагаа. Тэдэнэр арбанһаа хори хүрэтэр бэеэ татажа шадаһан байна.
- Элүүр энхэ ябаха, бэеэ һорихо гэжэ бүхы зонтойл адли оролдодогбди, - гэжэ лама Максар Доржиев хэлэбэ.
- Манай олонхимнай бэеэ һоридог, бидэ футбол наадаха дуратайбди, - гэжэ Буддын шажанай дээдэ һургуулиин оюутан Соном Донхаев тэмдэглэбэ. Сонам Дохаев Эдик Усманов нүхэртэеэ Хальмаг уласһаа Буряадта һурахаяа ерэһэн байна.
- ГТО тушаахада, һонирхолтойшье, бэе тамирта һайншье юм ааб даа. Би “алтан” тэмдэг абаха зорилготойб, - гэжэ Эдик хэлэбэ.
ГТО-гой бэшэ шалгалтануудые Ивалгын дасанай ламанар һаяын үдэрнүүдтэ тушааха юм.
