​Ой модоёо түймэрһөө аршалая!

Хабарай саг ерэжэ, Буряад Уласта түймэрһөө һэргылгын онсо байдалай журам соносхогдонхой гэжэ мэдээжэ. Энэ үедэ ой руу орохо, хагда галдаха, түүдэг носоохо огто хоригдоно. Эдэ хэмжээ ябуул­гануудые дэмжэжэ, «Болбосоролой болон эрдэм ухаанай яаманай уласай байгаали сахин хамгаалгын-амита зүйн һурагшадай түб» гүрэнэй нэмэлтэ болбосоролой эмхи зургаан Ойн ажахын агентствын дэмжэлгээр «Ой тайга­яа түймэрһөө аршалая» гэһэн акци мартын 30-һаа апре­лиин 30 болотор соносхобо.

Энэ акцида болбосо­ролой эмхи зургаануудай һурагшад, һургуулинуудай ойн ажахын бүлэгүүд хаба­адаха аргатай. Хэмжээ ябу­улга иимэнүүд номинацяар үнгэргэгдэхэ: «Тодхор бү хэ» гэһэн буклет ород ба буряад хэлэн дээрэ, «Бүмбэрсэг дэлхэйгээ аршалая!» гэһэн пла­кат, баннернууд; «Ой тайга – байгаалиин шэмэг» гэһэн сэдэбээр зурагууд, «Ой тай­га - үзэсхэлэнтэ булан» гэһэн гэрэл зурагуудай галерей: «Ой тайга хамгаалха хамагай шухала» гэһэн эрхим түсэл. Хабаадагшад ажалнуудаа апрелиин 27 болотор түбэй хаягаар эльгээхэ аргатай. Дүнгүүдынь апрель һарын 30-да соносхогдохо юм.