777
2017 оной апрелиин 15- һаа 21 хүрэтэр Ульяновскын гүрэнэй ехэ һургуулиин дэргэдэ физкультураар Бүхэроссиин олимпиадын түгэсхэлэй шата үнгэргэгдөө.
Буряад Уласаа Улаан-Үдын 42-дохи һургуулиин 9-дэхи болон 11-дэхи классуудай һурагшад Алина Демьяненко, Ксения Лукомская хоёр түлөөлбэ. Сэсэг Дабаевна Мункожапова багшатаяа тэдэнэр Ульяновск хото ошоһон байна. Ородой Холбоото Уласай нютаг, можонуудһаа 216 һурагшад олимпиадада хабаадаа. Тэдэнэр бэеын тамирай асуудалнуудта харюусажа, гимнастика, баскетбол, хүнгэн атлетикээр хаба шадалаа туршалсаһан байна.
2000 метрэй утада Алина Демьяненко түрүүлжэ, Бүхэроссиин олимпиадын кубогто хүртэбэ. Мүрысөөнэй түгэсхэлэй шатын дүнгүүдээр Алина Демьяненко 83,77 эгээ ехэ баллһаа 70, 30 балл абажа, бэеын тамирай Бүхэыроссиин олимпиадын шанда хүртэһэн байна.
Буряад Уласай Болбосоролой болон эрдэм ухаанай яаманай сайтһаа гэрэл зураг абтаба.
