​Адистайхан Адиса

Гуроракшеева Адиса 2007 оной мартын 14-дэ Улаан-Үдэ хотодо түрэһэн. Адиса 14-дэхи гимназиин 3-дахи «д» ангида эрхимээр һурадаг, олон урилдаануудта урагшатайгаар хабаададаг юм. 

2012 ондо хүүгэдэй зурагуудай бүхэроссиин “Манай байгаали” гэжэ урилдаанда “Үрэжэлтэ бороон орожо, долоон үнгын һолонго татана” гэжэ зурагайнгаа түлөө 3-дахи һуурида гараа һэн. 

2013 ондо Алас-Дурна зүгэй можонууд хоорондын “Дуратай хотомни” урилдаанда “Зунай үдэшэ Байгалай эрьедэ” зурагынь эрхим гэжэ тодороо.

2014 ондо Адиса Буряадай радиодо «Тэнэг Мэлхэй» гэжэ буряад арадай онтохо уран гоёор уншажа, Хүндэлэлэй грамотаар шагнагдаа. 

П.И.Чайковскиин нэрэмжэтэ соёл, урлагай колледжын дэргэдэхи Бау Ямпиловай нэрэмжэтэ хүүгэдэй урлагай һургуулида 4-дэхи жэлээ Адиса һурана. 

2016 ондо “Мүшэхэнүүд” бүлэгтэеэ Владивосток хотодо үнгэргэгдэһэн “Балшар наһамнай мүнхэ байг лэ” VII Федеральна фестивальда лауреат боложо тодорһон юм. 

2016 ондо хүүгэдэй «Алтанхан» гэжэ хатарай бүлэгэй бүридэлдэ «Алтаргана» нааданда хатарай урилдаанда эрхимлээ һэн. 

2017 ондо энэл бүлэг Монгол орондо уласхоорондын «Алтан Гадас» урилдаанда 2-дохи һуури эзэлээ юм.