651
Буряад Уласай Толгойлогшын уялга дүүргэгшын тушаалда Алексей Цыденовэй томилогдоһоор 100 үдэр үнгэрбэ. Эдэ үдэрэй туршануудта ябуулагдаһан ажалай дүнгүүдые согсолон, пресс-конференци үнгэргэгдэһэн байна. Энэ хэмжээ ябуулгын үедэ буряад хэлэ хүгжөөхэ талаар асуудалнуудта Алексей Самбуевич харюусаба.
Буряад хэлэ хүжөөлгэдэ онсо анхарал хандуулха тухайгаа Алексей Цыденов тэмдэглэбэ. Энээндэ зорюулан хэдэн хэмжээ ябуулганууд үнгэргэгдэхэ юм.
- Буряад хэлэ хүгжөөлгын асуудал шухала, тиимэһээ энэ талаар ябуулагдаха ажал дэмжэгдэхэ. Буряад хэлээр үхибүүн һургуулидаа хөөрэлдөөгүй һаа, саашадаа хэлэеэ мартажа, хэрэглэхэеэ болишохо. Аймагууд олон, тигэбэшье буряад нютагуудтай аймагуудта хэлэеэ шудалжа байгаа һаа һайн, - гэжэ Алексей Цыденов хэлэбэ.
Буряад Уласай Толгойлогшын уялга дүүргэгшын хэлэһэнэй ёһоор, хэлэеэ хүгжөөхэ, дамжуулха гэбэл, һургуулида долоон хоногой хоёр дахин буряад хэлэнэй хэшээлдэ шудалхада бага.
- Ганса яряанай хэлэндэ хэрэглэнгүй, харин албан ажалаа буряад хэлэн дээрэ болгобол, хэлэн хүгжэхэ. Энэ үйлэ хэрэг заабол дэмжэгдэхэ, -гэжэ Алексей Цыденов тэмдэглэбэ.
Анна Огороднигой гэрэл зураг.
