959
Майн 29-30-най үдэрнүүдтэ Казань хотодо Ородой Холбоото Уласай Рапид Гран-при шатын Р.Г. Нежметдиновэй Кубок шатар наадаар үнгэргэгдэбэ. Энэ мүрысөөндэ 139 шатаршад хабаадаба. Тэдэнэй тоодо, 17 гроссмейстернүүд хаба шадалаа туршалсаһан байна.
Мүрысөөнэй дүнгүүдээр Москва хото түлөөлһэн гроссмейстер Александр Морозевич түрүүлбэ. Буряад Уласай уласхоорондын мастер Жамсаран Цыдыпов 2-дохи һуури эзэлһэн байна. Хүрэл шанда Казань хото түлөөлһэн гроссмейстер Артем Тимофеев хүртэбэ.
Шатар нааданда Жамсаран Цыдыпов илагша Александр Морозевичтэй адли очко (8,5) абажа, нэмэлтэ үрэ дүнгүүдээр булигдаһан байна.
