​ГТО тушаалгаар дүнгүүд согсологдобо

Буряад Уласай бүхы аймагуудта болон Улаан-Үдэдэ ГТО тушаалга һургуулинуудай тамирай талмайнуудта болон тамирай байшангуудта үнгэргэгдэһэн байна.

Улаан-Үдэдэ эмхидхэгдэһэн Түб болон “Забайкалец” стадионуудта, “Юбилейный” болон Орешковэй нэрэмжэтэ паркнуудта 2700 ажаһуугшад ГТО тушааһан байна. Бүхыдөө Улаан-Үдэдэ 193 эмхи зургаануудай 30481 хүдэлмэрилэгшэд, оюутад, һурагшад энэ хэмжээ ябуулгада хабаадаа.

Буряад Уласай аймагуудта хамтадаа 65299 хүнүүд ГТО тушааба. Эгээл олон 11349 хүн Хойто Байгалай аймагта хабаадаһан байна. Загарай аймагта 5580, Сэлэнгэ аймагта 5388 хүнүүд хаба шадалаа туршаба. Эгээл үсөөн 489 хүн Хурамхаан аймагта хэмжээ ябуулгада хабаадаба.

Бүхыдөө Буряад Улас дотор 95780 хүн уласай акцида хабаадалсаһан байна.