964
Ородой Холбоото Уласай арадай соёлой габьяата коллектив, арадай соёлой “Булжамуур” гэһэн жэшээтэ ансамбль Болгарида үнгэргэгдэһэн Уласхоорондын фестиваль-мүрысөөндэ үндэр амжалта туйлаба.
Июниин 13-14-нэй үдэрнүүдтэ Болгарида Хара далайн эрьедэ “Арена дружбы” гэһэн Уласхоорондын фестиваль-мүрысөөн 4-дэхиеэ үнгэргэгдэһэн байна. Энэ мүрысөөндэ бүхы дэлхэйн бэлиг талаантай үхибүүд хабаа шадалаа туршадаг. Ородой Холбоото Уласай болон Украинын Хүүгэдэй жаса, Москва хотын “Подари жизнь” гэһэн нигүүлэсхы сэдьхэлэй жаса, аяншалга болон һайндэрнүүдые үнгэргэдэг “Весёлые ребята” гэһэн агентство, “Мистрал-2” хүүгэдэй элүүржүүлгын түб энэ хэмжээ ябуулга эмхидхэһэн байна.
Буряад Уласай “Булжамуур” ансамблиин дунда наһанай болон багашуул фестиваль-мүрысөөндэ хабаадажа, “Арадай болон үндэһэтэнэй хатарнууд” гэһэн номинацида 1-дэхи шатын Лауредай Дипломдо хүртэбэ.
"Булжамуур" ансамблиин сайтһаа гэрэл зураг абтаба.
