​Һур харбагшадай ехэ мүрысөөн

Буряад орондо эрэмдэг бэетэй зоной хоорондо һур харбалгаар Ородой Холбооной чемпионат үнгэргэгдэхэнь.

Энэ хэмжээ ябуулгада Ородой Холбоото Уласай 19 можо нютагуудһаа 90 тамиршад ерэхээр хүлеэгдэнэ. Иимэ үндэр хэмжээнэй урилдаан манай Буряад орондо түрүүшынхиеэ эмхидхэгдэхэнь. Табан үдэрэй туршада Улаан-Үдын түб стадион соо дээдэ шатын һур харбагшад тулалдаха. Манай уласые мэдээжэ тамиршад: Сергей Хутаков, Ирина Баторова, Татьяна Андриевская, Александр Дорофеев гэгшэд түлөөлхэ юм.