657
Эрхүү хотын “Галерея Бронштейна” байшанда Даша Намдаковой “Байкал. Преображение” гэһэн эрдэниин зүйлэй үзэсхэлэн июниин 24-һөө нээгдэхэ юм.
Үзэсхэлэндэ 60-аад үльгэр домогой һанагдаһан амитад, эди шэдиин хэрэгсэлнүүд гэхэ мэтэ олоной һонорто дэлгэгдэхэ юм. Энэ суглуулбариин экспонадууд уран һайханай шудхалга болон эрдэниин зүйлэй техникэ хэрэглэн бүтээгдэбэ. Алта, мүнгэ, хүрэл, мамонтын яһа болон үнэтэ шулуунуудые хэрэглэн эдэ бүтээлнүүдые Даша Намдаков хэһэн байна. Энэ үзэсхэлэн үхибүүдэйшье, аха зонуудайшье хараха, сэгнэхын тула тусхай гэрэлтүүлгын ажал ябуулагдана.
Даша Намдаков үзэсхэлэн нээлгын баяр ёһололдо ерэжэ шадахагүй. Харин сентябриин 17 болотор дэлгээгдэхэ үзэсхэлэнэй дүүрэхэ тээшэнь уран гартан ерэхээр хүлеэгдэнэ.
Даша Намдаковой Facebook хуудаһанһаа гэрэл зураг абтаба.
