Буряад Уласта 100-дахи кварталнуудта ошоһон харгын заһабарилга июниин 26-һаа эхилхээр хараалагдана.
Буряад Уласай харгынуудай заһабарилга “Аюулгүй, һайн шанартай харгынууд” гэһэн федеральна түсэлдэ оруулагданхай. 2025 он болотор жэл бүри 1,250 млрд. түхэриг мүнгэн харгы заһабарилгада һомологдохо юм. Тиихэдээ федеральна һан жасаһаа 625 сая түхэриг һомологдохо, мүн нютаг можын өөһэдын жасаһаа бусад мүнгэниинь гаргашалагдаха. “Аюулгүй, һайн шанартай харгынууд” гэһэн федеральна түсэлдэ Улаан-Үдын болон Ивалга, Тарбагатай, Загарай, Байгал шадарай аймагуудай харгынууд заһабарилагдаха.
“Дорстройсервис” гэһэн үйлэдбэриин-барилгын нэгэдэлтэй июниин 15-да хэлсээн баталагдаһан байна. Июниин 26-һаа харгын заһабарилга эхилхээр хараалагдана. Тиихэдээ Орловская гудамжаар машинанууд гараха болоно.
100-дахи кварталнууд руу ошоһон харгын заһабарилгада 328 млн. түхэриг мүнгэн һомологдохо. Эндэ хэгдэхэ ажал хоёр шатаһаа бүридэхэ. Түрүүшын шатада 2017 ондо 2,7 модоной зайда харгы үргэн болгогдохо юм. 2018 ондо 2,8 модоной утада харгы зааһбарилагдаха болоно.