523
Буряад Уласай Толгойлогшын уялгануудые дүүргэгшэ Алексей Цыденов болон аяншалгын захиргаануудай түлөөлэгшэдэй 2-дохи суглаанда хабаадагшад Илалтын хүшөөгэй дэргэдэ “Дурасхаалай дэнгүүд” гэһэн хэмжээ ябуулгада хабаадаба.
Эсэгэ ороноо хамгаалгын Агууехэ дайнай эхилһэн уйдхар, гашуудалай үдэр хотын ажаһуугшад болон айлшад Илалтын хүшөөгэй дэргэдэ сугларжа, фашис булимтарагшадтай тулалдажа, ами наһаяа алдаһан баатар сэрэгшэдээ дурсаба. Ородой Холбоото Уласай Аяншалгын федеральна агентствын хүтэлбэрилэгшэ Олег Сафонов, Монголой Оршон тойроной болон аяншалгын яаманай гүрэнэй секретарь Цэгмидийн Цэнгэл, Хитад гүрэнэй Аяншалгын талаар таһагай хүтэлбэрилэгшэ Ли Цзиньцзао, Буряад Уласай Толгойлогшын уялгануудые дүүргэгшэ Алексей Цыденов, Буряад Уласай Засагай газарай болон гурбан гүрэнүүдэй аяншалгын захиргаануудай түлөөлэгшэнэр энэ хэмжээ ябуулгада хабаадаба.
- Гүрэнэйнгээ түүхэ мартангүй, ажана тэнюун ажабайдалаа байгуулха болонобди. Ами наһаяа алдаһан баатар сэрэгшэдээ, арад зоноо дурсажа, илалта шэрээлсээһэн ветерануудтаа туһа хүргэе, - гэжэ Алексей Цыденов хэлэбэ.
Ородой Холбоото Уласай можо нютагуудта Дурасхаалай, гашуудалай үдэртэ зорюулагдаһан хэмжээ ябуулганууд хаа хаанагүй үнгэргэгдэбэ.
Анна Огороднигой гэрэл зураг.
