652
Июниин 25-һаа Улаан-Үдын аэропортһоо Улаан-Баатар хүрэтэр долоон хоногой хоёр удаа самолёдууд ниидэжэ эхилхэ юм.
- Улаан-Баатар – Улаан-Үдэ гэһэн замаар июниин 21-дэ “Hunnu Air” гэһэн авиакомпаниин самолёт түрүүшынхиеэ ниидээ. Июниин 25-һаа энэ зам гарагай таба, долоондо ниидэдэг тогтоһон эмхидхэлтэй болохо, - гэжэ Буряад Уласай Транспортын, элшэ хүсэнэй болон харгын ажахы хүгжөөлгын яаманай уһанай, агаарай транспортын таһагай дарга Бата Дашиянжибон хэлэбэ.
58 хүнэй багтахаар Fokker 50 гэһэн түхэлэй самолёд хоёр хүршэ гүрэнэй хоорондо ниидэхэ юм. Тиихэдэ 1,5 сагай туршада Улаан-Үдэһөө Улаан-Баатар хүрэтэр 5300 түхэригөөр ошожо болохо .
2013-2015 онуудта ниислэл хотонуудай хоорондо “Изнис-Эйрвэйз”, 2015-2016 онуудта “Ангара” авиакомпанинуудай самолёдууд ниидэдэг байгаа гэжэ һануулнабди. Самолёдоор ниидэхэ хүн зоной үсөөн байһанһаа боложо, энэ авиарейс хаагдаһан байгаа.
.
