729
Ородой Холбоото Уласай суглуулагдамал командын WorldSkills гэһэн дэлхэйн чемпионадта бэлэдхэл Буряад Уласта үнгэргэгдэнэ.
Буряад Уласай түлөөлэгшэдэй “Залуу мэргэжэлтэд (WorldSkills Ородой Холбоон)” гэһэн хүдэлөөндэ хабаадаһанай удаа, уласай индустриальна техникумдэ Ородой Холбоото Уласай суглуулагдамал командын “Электромонтаж” гэһэн һалбарида бэлэдхэл Улаан-Үдэдэ 2017 оной июниин 26-һаа июлиин 4 болотор үнгэргэгдэнэ.Уласхоорондын шүүбэришэ Максим Певин, һалбариин хүтэлбэрилэгшэ Владимир Суровцев болон шүүбэришэ Александр Калинин гэгшэд “WORLDSKILLS” гэһэн дэлхэйн чемпионадта “Электормонтаж” һалбариин бэлэдхэл хүтэлбэрилнэ. Бэлэдхэлэй үедэ багшанар дүй дүршэлөөрөө хубааладажа, WorldSkills методикоор мэргэжэлээ дээшэлүүлхэ талаар семинар үнгэргэгдэхэ. Эндэ Эрхүү можын болон Үбэр Байгалай хизаарай түлөөлэгшэд хабаадалсаха юм.
WorldSkills гэһэн дэлхэйн чемпионадта хабаадаха Ородой Холбоото Уласай суглуулагдамал командын бэлэдхэл “Залуу мэргэжэлтэд” гэһэн Зүблөөн эмхидхэнэ.
2017 оной майн 15-һаа 19 хүрэтэр Краснодар хотодо “Молодые профессионалы (WorldSkills Russia)” гэһэн Үндэһэтэйнэй 5-дахи Чемпионадай түгэсхэлэй шата үнгэргэгдэһэн байна. Чемпионадта Буряад Уласаа түлөөлһэн һурагшад болон оюутад үндэр амжалта туйлаа. Сибириин гүрэнэй телекоммуникациин болон информатикын дээдэ һургуулиин Буряадтахи таһагай инфокоммуникациин институдай оюутан Артём Матвеев “Сетевое и системное администрирование” гэһэн һалбарида 2-дохи һуури эзэлһэн байна. Эдир хабаадагшад Артём Ефимов 32-дохи, Владислав Есаулов 19-дэхи һургуулинуудай шабинар “Сетевое и системное администрирование 14+” гэһэн һалбарида түрүүшын һуури эзэлбэ.
Тиихэдэ багшалхы һалбарида Буряадай түлөөлэгшэд баһал үндэр амжалтануудые туйлана. Сибириин федеральна тойрогто “Хүүгэдэй сэсэрлигтэ болон эхин һургуулинуудта заалга” гэһэн һалбарида 2-дохи һуури эзэлһэн байна. Краснодар хотодо үнгэргэгдэһэн мүрысөөндэ “Хүгжэмэй болбосорол” гэһэн һалбарида 300 һуралсалай эмхинүүдэй дунда багшанарай колледж 4-дэхи һуурида хүртөө гэжэ һануулнабди.
Буряад Уласай Болбосоролой болон Эрдэм ухаанай яаманай сайтһаа гэрэл зураг абтаба.
