820
Ородой Холбоото Уласай болон Монгол гүрэнэй 200-аад тамиршад һур харбалгаар “Байгалай годлинууд” гэһэн Бүхэроссиин мүрысөөндэ хабаадаха.
Июлиин10-һаа13 болотор Буряад Уласай Түбэй стадион дээрэ Краснояск, Алтай, Хабаровск, Краснодар болон Үбэр Байгалай хизаарнуудай, Москва, Санкт-Петербург хотонуудай, Москвагай, Томск, Новосибирск, Эрхүү, Кемерово можонуудай Ямало-Ненецкэ автономно тойрогуудай, Монгол гүрэнэй 8 һур харбагшад Бүхэроссиин мүрысөөндэ хабаадаха юм.
Бүхэроссиин мүрысөөндэ хабаадаха тухай мэдүүлгэнүүд ороһоор.
Июлиин 11-дэ үглөөнэй 10.30 сагта мүрысөөнүүдэй нээлгын баяр ёһолол үнгэргэгдэхэ. 11 сагһаа хойшо тамиршад мүрысэжэ эхилхэ юм. Түгэсхэлэй шатын мүрысөөн июлиин 13-да үглөөнэй 10 сагһаа эхилхэ, энэл үдэр мэргэн һур харбагшадые шагнаха.
Июниин 22-26-най үдэрнүүдтэ Буряад Уласта эрэмдэг бэетэй зоной хоорондо һур харбалгаар Ородой Холбоото Уласай чемпионат уласай Түб стадион дээрэ үнгэргэгдөө гэжэ һануулнабди.
Энэ мүрысөөндэ Ородой Холбоото Уласай 16 можо нютагуудай 71 тамиршан хабаадаһан байна. Мүрысөөнэй дүнгүүдээр Буряад Уласай суглуулагдамал команда 4 алтан, 3 мүнгэн болон хүрэл медальда хүртэһэн байна. Сергей Хутаков, Ирина Баторова, Татьяна Андриевская болон Бадма Хаминдаев гэгшэд алтан медальнуудые абаба.
Ородой Холбоото Уласай суглуулагдамал командын ахалагша һоригшо Виктор Сапуновой хэлэһэнэй ёһоор, энэ мүрысөөн сентябрь һарада Пекин хотодо үнгэргэгдэхэ дэлхэйн чемпионадта бэлэдхэл болобо.
