923
“Аюулгүй, һайн шанартай харгынууд” гэһэн түсэлөөр Тарбагатай һууринай Омулёвая, Рокоссовского гудамжануудта харгы заһабарилагдана.
“Харгы сэхэлэгдэжэ, бордюрнууд табигдаба, мүнөө хушахал үлөөд байна”, - гэжэ Тарбагатай аймагай засаг даргын 1-дэхи орлогшо Сергей Наталин хэлэбэ.
Июлиин 15-да харгы асфальтаар хушагдажа эхилхэ, ябаган харгынууд заһабарилагдаха. Сагһаа урид эдэ харгынууд ашаглалгада тушаагдаха юм.
Буряад Улас “Аюулгүй, һайн шанартай харгынууд” гэһэн федеральна түсэлдэ оруулагдажа, 2025 он болотор жэл бүри харгы заһабарилгада 1,250 млрд түхэриг гаргашалагдаха. Тиихэдээ хахад мүнгэниинь федеральна бюджедһээ һомологдохо юм. Улаан-Үдэ хотодо, Ивалга, Загарай һууринуудта, Турунтаево, Тарбагатай тосхонуудта энэ түсэлэй ёһоор харгынууд заһабарилагдаха.
Харгы заһабарилагдаха нютагуудта 526 мянган хүнүүд ажаһуудаг, машинын ябадаг харгынуудай утань 864, 2 модо болодог юм. Тэдэнэй 317, 5 модоной харгы харгын нормативта тааарана. 2017-2018 онуудта 181,2 модоной, 2019-2015 онуудта 335, 48 модоной харгынууд заһабарилагдаха юм.
