766
Буряад Уласай эдиршүүл “Артек” гэһэн хүүгэдэй түбтэ уласхоорондын үндэһэтэнэй тамирай наадануудай түрүүшын фестивальда хабаадаха.
Хүүгэдэй уласхоорондын “Артек” түбтэ 2017 оной августын 7-һоо 27 хүрэтэр Уласхоорондын үндэһэтэнэй тамирай наадануудай түрүүшын фестиваль үнгэргэгдэхэ. Энэ хэмжээ ябуулга Ородой Холбоото Уласай үндэһэтэнэй наадануудай болон олимпиин наадануудта ородоггүй тамирай мүрысөөнүүдэй эблэл, “Артек” түб дэмжэдэг жаса эмхидхэнэ. Фестивалиин үедэ үндэһэтэнэй тамирай наадануудта һургалгын хэшээлнүүд, мастер-классууд, тоглолтонууд үнгэргэгдэхэ.
Буряад Уласай команда шэлэн абалгын шата гаража, фестивальда хабаадаха болобо. Һур харбагшад, бүхэ барилдаашад, шатар наадагшад болон һээр шаагшад – дүн хамта 28 эдир тамиршад командын бүридэлдэ оробо. Тэдэнэр уласаа түлөөлжэ, үндэһэтэнэй тамирай наадануудай фестивалиин мүрысөөнүүдтэ хабаадаха юм.
“Артек” түбэй сайтһаа гэрэл зураг абтаба.
