1012
Буряад Уласай Соёлой сайдай уялгануудые дүүргэгшэ Тимур Цыбиковтэ хуби ниилүүлһэн «Түгнын уурхай» бүлгэмэй захирал Валерий Кулецкий баяр ёһололой оршондо Үндэһэтэнэй музейдэ гэрэлтүүлгын хэрэгсэл абаха үнэмшэлгэ барюулба.
Ц. С. Сампиловай нэрэмжэтэ Уран һайханай музейдэ «Первозданная Россия» гэһэн Бүхэроссиин фестивалиин эгээл эрхим гэрэл зурагуудые үзэсхэлэндэ дэлгэхэ талаар Буряад Уласай Үндэһэтэнэй музей болон «Түгнын уурхай» бүлгэм суг хамта ажал ябуулһан байна.
2014 онһоо хойшо Ородой Холбоото Улас болон дэлхэйн хотонуудта эмхидхэгдэдэг «Первозданная Россия» үзэсхэлэндэ, Ородой гүрэнэй бүхы можо нютагуудай байгаали буулгаһан гэрэл зурагууд дэлгэгдэдэг юм. Буряад Уласта Ц. С. Сампиловай нэрэмжэтэ Уран һайханай музейдэ эмхидэхэгдэһэн энэ хэмжээ ябуулгада хоёр мянганһаа дээшэ хүнүүд ябаһан байха юм. Тиихэдэ «Первозданная Россия» үзэсхэлэндэ бэлэдхэлэй үедэ мүнөө үеын эрилтэнүүдтэ таараһан тусхай гэрэлтүүлгын хэрэгсэлнүүд абтажа тодхогдоо. Энэ буянта хэрэг хуби ниилүүлһэн нээмэл «Түгнын уурхай», хуби ниилүүлһэн «СУЭК» бүлгэмүүд бэелүүлһэн байна.
