625
Буряад Уласай Толгойлогшын уялгануудые дүүргэгшэ Алексей Цыденов Хурамхаан аймагай ажаһуугшадтай уулзалгын үедэ хурдан интернет холбоо тухай хэлсэбэ.
Ростелеком бүлгэм Буряад Уласта анхан хэгдээгүй ехэ ажал ябуулна. Уласай холо оршодог аймагуудта 1500 модоной зайда оптоволокно татаха түсэбтэй. Тиихэдээ тэдэнэр 250-500-гаад ажаһуугшадтай һууринуудые болон эмнэлгын газарнуудые хурдан интернет холбоотой болгохо гэһэн программаар ажалаа ябуулна.
«Ородой Холбоото Улас дотор бэшэ хаанашье иимэ ажал хэгдэнэгүй», - гэжэ Алексей Цыденов тэмдэглэбэ.
Буряад Уласай Толгойлогшын уялгануудые дүүргэгшэ Алексей Цыденовэй албанай хэрэгээр Хяагта аймаг гарахада, ажаһуугшад баһал интернет холбоотой болохо тухай хэлэһэн байна. Тиихэдэ “РЖД” бүлгэмэй оптоволокнодо хамжаха тухай хэлсэгдээ һэн.
Буряад Уласай Толгойлогшын уялгануудые дүүргэгшэ Алексей Цыденов албанай хэрэгээр Хурамхаан аймаг албанай хэрэгээр гаранхай гэжэ һануулнабди. Уласай хүтэлбэрилэгшэ Хурамхаан аймагай түбэй больница, наһатайшуулай интернат-байшанда хүрэһэн байна. Удаань Алексей Цыденов хүдөө ажахын үйлэдбэрилэгшэдтэй, залуушуултай, ажаһуугшадтай уулзаба.
