941
Гэрэл зураг дээрэ Виктор Яцуценко Александр Марков хоёр.
Ородой Холбоото Уласай Юрэнхылэгшэ Владимир Путин тогтоолоор Онсо байдалай талаар яаманай Буряадай хүтэлбэриин даргаар дотоодын албанай полковник Александр Марков томилогдобо.
Александр Марков Ород гүрэнэй Онсо байдалай талаар яаманай шахардуу байдалда түргэн дары шиидхэбэри абаха хүтэлбэриин үндэһэтэнэй түбэй даргын тушаал эзэлдэг байгаа. Тэрэ байгалиин болон бусадшье гэнтын аюул болоходо, түргэн туһа хүргэхэ, усадхаха талаар ажал ябуулдаг юм. Александр Марковай хүтэлбэрилһэн сэрэгэй нэгэдэл федеральна эмхи зургаанда түрүүшүүлэй тоодо ороһон байха юм. 2017 оной март һарада Ородой Холбоото Уласай Юрэнхылэгшын баярай бэшэг Онсо байдалай талаар яаманай шахардуу байдалай талаар хүтэлбэриин үндэһэтэнэй түбэй генерал-лейтенант Виктор Яцуценко барюулһан байна.
Ородой Холбоото Уласай Онсо байдалай талаар яаманай Буряадай таһагай хүтэлбэрилэгшэ генерал-майор Виктор Михайлов Владимир Путинай тогтоолоор байгша оной февралиин хоёрто тушаалһаа бууһан юм.
Тэрэнэй уялга дотоодын албанай полковник Константин Григорьев дүүргэжэ байгаа.
Ородой Холбоото Уласай Онсо байдалай талаар яаманай мэргэжэлтэдэй тушаалһаа бууха, томилогдохо шалтагаан хадаа гурбан шатын хүтэлбэридэ орожо, Юрэнхылэгшын даабаряар 2016-2020 онуудта энэ эмхи хүгжөөхэ гэһэн түсэб бэелүүлгэ болоно.
