755
Үсэгэлдэр хотын һургуулинуудай захиралнуудай зүблөөн үнгэргэгдэжэ, тэрэнэй хэмжээндэ Буряадай оперо болон баледэй театрай захиралай орлогшо Давид Дондупов болбосоролой эмхи зургаануудта баярай бэшэгүүдые барюулба.
Олон жэлэй туршада СССР-эй арадай артист Г.Ц. Цыдынжаповай нээрэмжэтэ Буряадай оперо болон баледэй театр болон Улаан-Үдэ хотын Болбосоролой талаар хороон суг ажал ябуулжа, соёл болон болбосоролой һалбарида түсэлнүүдые эдэбхитэйгээр бэелүүлдэг юм. Бэелүүлдэг түсэлнүүдэй нэгэн хадаа «Школьный университет» болоно. Тэрэнэй хэмжээндэ зүжэгүүд, экскурси, нааданууд үнгэргэгдэжэ, һурагшад болон багшанар зүжэгшэдтэй хамта тоглолтонуудые харуулдаг юм. Энэ программада хабаадагшад тусхай сэнгээр театрай зүжэгүүдые харахаһаа гадна, тэрэнэй ажабайдалтай танилсаха аргатай. Заншалта ёһоороо, Багшанарай үдэр багшанар зүжэгшэдтэй хамта тоглолтодо хабаададаг. Жэл бүри май һарада «Илалтын одон» гэһэн фестиваль-мүрысөөн эмхидхэгдэжэ, һурагшад тайзан дээрэ гаража, бэлиг талаангаа харуулдаг. Үбэлэй амаралтын үдэрнүүдтэ үхибүүдтэ зорюулагдаһан һайндэрэй найр нааданууд эмхидхэгдэдэг.
