​Дэлхэйн тэмсээнэй хүрэл медальтай

Хүндэтэ нютагаархин! Зориһондоо бидэ хүрэбэбди! Буряад Уласай түрүүшын түлөөлэгшэ – Тамир Галанов дэлхэйн тэмсээнэй шагналда хүртэбэ. Энэ амжалта бидэндэ ехэ шухала байна. Мүнөө бидэндэ найдал түрэбэ гээшэ – Тамир өөрынгөө һоригшотой хамта 2020 оной Токиодо үнгэргэгдэхэ Олимпиадада хабаадаха боломжо бүрин бии болобо. 

Токиогой Олимпиин наадануудта манай элитэ боксёр Веллингтон Иннокентьевич Баранников мүнгэн медальда хүртэһэн гэжэ бидэ булта мэдэнэбди. Тиимэһээ Веллингтон Баранниковай амжалтые манай Тамир дабтажа гү, али дабажа гараһай даа.

Би та бултанаа, Буряад ороной бүхы зониие, спортдо, боксдо дуратайшуулые, энэ ехэ илалтаар хани халуунаар амаршалнаб! Бидэ баярлаха ёһотойбди, баяраа хубаалдажа, Тамирта ба тэрэнэй һоригшо Бата Батуевта бүхы һайн һайханиие хүсэжэ, Токиогой Олимпиин наадануудта заабол оролсожо, тэндэһээ медальтай бусахын түлөө бүхы хүсэ шадалаа элсүүлэе!