​Буряад Уласта 2017 оной һунгалта дүүрэбэ

Үдэшын 20.00 сагта һунгалтын газарнууд хаагдажа, бюллетеньгүүд тоологдожо эхилбэ.

Манай уласта арбан табан жэлэй саада тээ, 2002 оной июниин 23-да Буряад Уласай Юрэнхылэгшэ һүүлшынхиеэ һунгагдаһан байна. Тэрэ гэһээр 15 жэл үнгэрһэнэй удаа, Буряад Уласай Толгойлогшо һунгагдаба. Тиихэдэ Буряад Уласай аймагуудай засаг дарганар, сомонуудай зүблэлэй һунгамалнууд болон Улаан-Үдэ хотын һунгамалнуудай зүблэлэй һунгуулиин 25-дахи болон 26-дахи тойрогуудаар нэмэлтэ һунгалта үнгэргэгдэбэ.

Буряад Уласай һунгалтын комиссиин үдэшын 18.00 сагай мэдээгээр, уласай 250 мянганһаа дээшэ ажаһуугшад эрхэтэдэй уялга дүүргэһэн байна.