707
Буряад Уласай Толгойлогшын тушаалда орохо ёһолол сентябриин 15-һаа долоон хоногоор хойшологдобо.
Үнгэргэгдэһэн һунгалтын дүнгүүд сентябриин 20-до хуулита ёһоор дуулгагдаха, тиимэһээ Толгойлогшын тушаалда орохо ёһолол хойшологдоо гэжэ багсаамжалагдана. Тиихэдэ Буряад Уласай Арадай Хуралай сесси октябриин гурбанда үнгэргэгдэхэ болобо.
«Тушаалда орохо ёһолол долон хоногоор хойшологдобо. Үнгэргэгдэхэ саг тухай дуулгагдаха. Ородой Холбоото Уласай Һунгуулиин комисси һунгалтын дүнгүүдые һунгуулиин үдэрһөө хойшо арбан хоногой удаа хуулита ёһоор дуулгаха. Тэрэнэй удаа Буряад Уласай Толгойлогшо тушаалда орохо», - Буряад Уласай Толгойлогшын болон Засагай газарай захиргаанда хэлэбэ.
Уридшалһан мэдээгээр, Буряад Уласай Толгойлогшын тушаалда орохо ёһолол сентябриин 22-то үнгэргэгдэхэ юм. Энээнһээ боложо, Буряад Уласай Арадай Хуралай сесси хойшологдобо гэжэ олон зон багсаамжалһан байна. Юундэб гэхэдэ, Буряад Уласай Толгойлогшо Засагай газарта ажалагшадаые бүридхүүлхэ талаар хубилалта оруулха аргатай болоно. Буряад Уласай Арадай Хуралай гаримай ёһоор:
«Ажалшадые бүридхэхэ талаар, Ородой Холбоото Уласай можо нютагуудай хандалганууд, хуули тогтоолгын эдэбхи үүсхэл болон федеральна хуулинуудай түсэлнүүдые Арадай Хуралай хаража үзэхэ тогтоолнууд АрадайХуралай сессиһээ 15 үдэр урид оруулагдаха ёһотой».
Уласай хүтэлбэрилэгшэ тушаалда ороһоной удаа хубилалтануудые оруулха аргатай болохо гэжэ Буряад Уласай Арадай Хуралай түрүүлэгшын орлогшо Владимир Павлов тэмдэглэбэ.
«Буряад Уласай Үндэһэн хуулиин ёһоор һунгагдаһан Толгойлогшо гүрэнэй хоёр хэлэн дээрэ тангаригаа үгэхэ ёһотой. Тэрэнэй удаа Арадай Хуралай ажалай талаар хубилалта оруулха аргатай болоно. Тиихэдэ заатагүй Арадай Хуралай сессиһээ 15 үдэр урид», - гэжэ Владимир Павлов хэлэбэ.
