763
Буряад Уласай Арадай Хуралай Түрүүлэгшэ Цырен-Даша Доржиев Зэдэ аймагай гулваагай тушаалда Валерий Цыреновэй орохо ёһололдо хабаадана.
Цырен-Даша Доржиев гулваагай тушаалда хоёрдохи болзорто һунгагдаһан, аймагай хүтэлбэрилэгшые тушаалда ороһон баяраар амаршалжа, ажалдаа амжалтатай байхыень хүсэбэ. Арадай Хуралай Түрүүлэгшын хэлэһээр, тэрэниие һунгаһан ажаһуугшадай этигэл, найдал дүүрэн харюулха шухала гэжэ «Буряад Yнэн» сониной сурбалжалагша байраһаа дуулгана.
«Зэдэ аймаг хадаа Буряад Уласай талха, таряагаар баян нютаг. Тиимэһээ аймаг урагшаа дабхин хүгжэхэ», - гэжэ Цырен-Даша Доржиев амаршалба.
Буряад Уласай Арадай Хуралай Түрүүлэгшын орлогшо, «Ниитэ нэгэн Росси» намай уласай таһагай секретарь Владимир Павлов Зэдэ аймагай гулваагай тушаалда һунгагдаһан Валерий Цыреновые баһал амаршалба. «Ниитэ нэгэ Росси» намһаа дэбжүүлэгдэһэн Валерий Цыренов һунгалтада түрүүлжэ, аймагай хүтэлбэрилэгшэ болон намшье харюусалга ехэтэй болоно гэжэ тэрэ тэмдэглэбэ. Ажалдаа амжалтатай, урагшатай ябахыень Владимир Павлов Валерий Цыреновтэ хүсэбэ.
