817
Үсэгэлдэр, сентябриин 20-до, Ородой Холбоото Уласай тамирай сайдай орлогшо Павел Новиков болон Буряад Уласай Толгойлогшын тушаалда һунгагдаһан Алексей Цыденовтэй гүрэнэй-хубиин суг ажал ябуулха түсэлнүүдые хүгжөөхэ талаар зүбшэбэ.
Тэрэнэй тоодо, Улаан-Үдэдэ мүльһэн ордон бариха тухай тэдэнэр хэлсэбэ.
«Мүнгэ һомологшо барилгын түсэл бэелүүлхэ, харин уласай засаг зургаан хэрэгтэй туһаламжа үзүүлхэ тухай хэлсээбди», - гэжэ Алексей Цыденов хэлэбэ.
Буряад уласай тамирай-спортын байшанай дэргэдэхи газарта (ул. Рылеева,2) мүльһэн ордон баригдаха юм. Энэ түсэлдэ хабаадаха тухай «Арена» компани мэдүүлгэ оруулһан байна. Байгша оной хабар Ородой Холбоото Уласай Юрэнхылэгшэ Владимир Путинай ударидалга доро үнгэрһэн бүхы арадай фронт эмхиин медиафорумой пленарна зүблөөндэ Буряад Уласта мүльһэн ордон бариха тухай сурбалжалагшад хэлэһэн байна гэжэ һануулнабди.
Елены Сандаковагай гэрэл зураг.
