811
Всеволод Мухин баруун гарһаа
Мүнөөдэрһөө Буряад Уласай Мүнгэн һангай сайдай уялгануудые дүүргэгшын тушаалда Всеволод Мухин хүдэлжэ эхилбэ. Буряад Уласай Толгойлогшо Алексей Цыденов энээн тухай тогтоол үсэгэлдэр абаһан байна.
Энээнһээ урид Всеволод Мухин Буряад Уласай Мүнгэн һангай сайдай нэгэдэхи орлогшын тушаалда хүдэлжэ байгаа. Мүнгэн һангай яаманай хүтэлбэрилэгшын тушаал эзэлжэ байһан Игорь Шутенков Буряад Уласай Засагай газарай Түрүүлэгшын Нэгэдэхи тушаалда томилогдоо гэжэ һануулнабди. Тиихэдэ Мүнгэн һангай, Эдэй засагай, Элүүрые хамгаалгын, болон Соёлой яамануудай хүдтэлбэрилэгшэд шэлэн абалгын шата гаража, тушаалда томилогдохо юм
Мэдээсэл
Всеволод Васильевич Мухин 1978 оной июлиин 6-да Улаан-Үдэдэ түрэһэн юм. 2000 ондо Буряадай гүрэнэй ехэ һургуули амжалтатайгаар дүүргэжэ, Буряад Уласай Мүнгэн һангай яаманда сэнтэй дансануудай таһагта хүтэлэгшэ мэргэжэлтэн боложо хүдэлжэ эхилһэн намтартай. Всеволод Мухин 2002 ондо Буряад Уласай Мүнгэн һангай яаманай эдэй засагай шэнжэлэлэй болон бюджедэй бодолгын таһагай ахамад мэргэжэлтэн болоһон байна. 2005 ондо тэрэл таһагай зүбшэлэгшөөр томилогдоо.
2005 ондо Буряадай гүрэнэй ехэ һургуулида «юрист-правовед» гэһэн мэргэжэлтэй боложо, май һараһаа бюджет хоорондын харилсаанай таһагай даргын орлогшын тушаалда томилогдоо. 2007 оной октябрь һараһаа Буряад Уласай Мүнгэн һангай яаманай бюджет хоорондын харилсаанай таһагай даргын тушаал эзэлээ. 2008 оной апрель һараһаа Буряад Уласай Мүнгэн һангай сайдай нэгэдэхи орлогшын тушаалда хүдэлжэ байгаа.
Всеволод Мухин Буряад Уласай Мүнгэн һангай яаманай Хүндэлэлэй грамотаар шагнагаданхай. Тиихэдэ Буряад Уласай Засагай 2008 оной октябриин 3-най 466-дахи тогтоолоор Буряад Уласай Хүндэлэлэй грамотаар тэрэ шагнагданхай. Буряад Уласай Юрэнхылэгшын 2012 оной майн 10-най 82-дохи тогтоолоор тэрэ Буряад Уласай Хүндэлэлэй грамотаар шагнагдаа.
Всеволод Мухин гэр бүлэ болонхой, хоёр үхибүүдые хүмүүжүүлнэ.
Тимура Цыбиковэй гэрэл зураг.
