765
Байгша оной октябриин 16-30-най үдэрнүүдтэ Буряад Уласай хүүхэлдэйн «Үльгэр» театр «Большие гастроли для маленьких» гэһэн федеральна программын хэмжээндэ Ородой Холбоото Уласай хотонуудаар гастрольдо гараба.
Эгээл түрүүн Уфа хотын, удаань октябриин 23-һаа 26 болотор Ижевск хотын харагшад «Үльгэр» театрай зохёохы ажаябуулгатай танилсаха. Һүүлээрнь Казань хотын ажаһуугшадта зүжэгүүдээ харуулжа, хүүхэлдэйн театрай гастрольнууд түгэсэхэ юм.
Эдэ үдэрнүүдтэ «Үльгэр» «Дочь Байкала Ангара» болон «Puppet рarty» гэһэн зүжэгүүдые Уфа, Ижевск, Казань хотонуудта табиха, зүжэгшэд бүхыдөө 21 спектакльнуудые харуулха юм.
