737
Буряад Уласай Толгойлогшо Алексей Цыденов үсэгэлдэр, октябриин 19-дэ, Болобосоролой болон эрдэм ухаанай сайдай тушаалда Баир Жалсановые томилхо тухай тогтоол абаба. Тогтоол абтаһан үдэрһөө хойшо хуулиин хүсэндөө оробо.
Баир Жалсанов 2014 ондо Болбосоролойболон эрдэм ухаанай сайдай орлогшо, юрэнхы болон нэмэлтэ һуралсалай хорооной түрүүлэгшын тушаалда томилогдоо гэжэ һануулнабди. 2016 оной сентябрь һарада Болбосоролой болон эрдэм ухаанай сайдай тушаал эзэлжэ байһан Алдар Дамдинов Ородой Холбоото Уласай Гүрэнэй Дүүмын һунгамал боложо, Баир Жалсанов Болбосоролой болон эрдэм ухаанай сайдай уялга дүүргэгшын тушаалда томилогдоһон юм.
Мэдээсэл
Баир Баторович Жалсанов родился 24 мая 1975 оной майн 24-дэ Шэтэ можын Агын аймагай Һүдэнтэ нютагта түрэһэн юм. Буряадай гүрэнэй ехэ һургуулида буряад хэлэнэй багшын мэргэжэлтэй болоһон юм.
Баир Жалсанов Һүдэнтын юрэнхы болбосоролой дунда һургуулида буряад хэлэнэй багшаар, Буряадай гүрэнэй телевиденидэ, Болбосоролой болон эрдэм ухаанай яаманай юрэнхы болбосоролой таһагай хүтэлэгшэ мэргэжэлтэнээр ажаллаа. 2005 онһоо 2014 он болотор Буряадай үндэһэтэнэй 1-дэхи лицей-интернадай захиралаар хүдэлөө.
Анна Огороднигой гэрэл зураг.
