​Буряад барилдаашад бусадһаа булюу

Октябрь һара барилдаанай мүрысөөнүүдээр баян байба. Манай эдир тамиршад Ородой чемпионадта хабаадажа, хүсэ шадалаа ха­руулба гээшэ. Мүн ехэшүүл спортын мастер болохын түлөө Алас Дурна зүгтэ эмхидхэгдэдэг бүхэроссиин хибэс дээрэ гарабад.

Чехово (Московско можо). 2001-2003 онуу­дай хүбүүдэй дунда Оро­дой чемпионат 51 можо хизаарай 495 барилдаа­шадые суглуулба.

54 килограмм хүрэтэр шэгнүүртэ Виктор Бад­маев 45 хүн сооһоо гур­бадахи һуури эзэлһэн байна.

Үнгэрһэн зун өөрын наһанай бүлэгтэ дэл­хэйн чемпион боложо шадаһан Фёдор Балтуев чемпионой нэрэ зэргэдэ хүртөө. Мүнөө тэрэ Мо­сква болон Эрхүү можын түлөө барилдана.

Үбэр Байгалай хи­заарай хоёр тамиршан шангай һууринуудые эзэлжэ шадаа. Амга­лан Ямадаев хоёрдохи һуурида гараһан байна. Эрдэм Борокшонов гур­бадахи һуури эзэлээ.

Виктор Бад­маев

Благовещенск. Амурска можын мэ­дээжэ барилдааша ябаһан Анатолий Ко­валёвой дурасхаалай шанда хүртэхын түлөө мүрысөөндэ заншалта ёһоороо Буряадай тамир­шад хабаадаһан байна.

Тус мүрысөөндэ ила­жа гараһан барилдаа­шад, “Ородой спортын мастер” гэһэн үндэр нэрэ зэргэдэ хүртэдэг юм.

Өөр өөрын шэгнүүртэ Алексей Монтоев бо­лон Намжил Цыденжа­пов түрүү һууринуудые эзэлһэн байна. Эдэ хоёр спортын мастернууд болобо гээшэ. Тимур Мункуев, Сансаран Жам­саранов гэгшэд мүнгэн медальнуудта хүртэбэ. Сангади Ульзытуев бо­лон Александр Хантаков гурбадахи һуури эзэлээ.

Хабаровск. Оро­дой суута аяншалагша Ерофей Хабаровай нэ­рэмжэтэ бүхэроссиин мүрысөөн 1970 онһоо эмхидхэгдэнэ. Тиимэһээ тус мүрысөөн ехэ мэдээ­жэ, олон хүнүүдэй хабаа­далгатай болодог юм.

Мүнөө жэлэй барил­даанда Буряадаймнай 10 хүн медальнуудтай гэртээ бусахань. Ни­колай Очиров, Буянто Осоров, Баясхалан Очи­ров болон Мягмар Да­лаев гэгшэд өөр өөрын шэгнүүрнүүдтэ түрүү һууринуудые эзэлбэ. Хэды тиигэбэшье, ганса Мягмар Далаев спортын мастер боложо шадаа.

Денис Дондуков бо­лон Цырен Сультимов шангай хоёрдохи һуури эзэлһэн байна. Жар­гал Дамдинов, Намжил Цыденжапов, Михаил Юрченко ба Алдар Гар­матаров гэгшэд хүрэл медальнуудые абаба.