800
Буряадай оперо болон баледэй театрай дуушан Мэргэн Санданов оперын дуушадай «Санкт-Петербург» гэһэн уласхоороднын мүрысөөндэ дипломантын нэрэ зэргэдэ хүртэбэ.
Мүрысөөнэй нэгэдэхи шатада дэлхэйн арбаад хари гүрэнүүдэй 146 оперын дуушад хабаадаһан байна. Тэдэнэй дундаһаа Мэргэн Санданов шалгаржа, түгэсхэлэй шатада 14 хабаадагшадай тоодо орожо, дипломантын нэрэ зэргэдэ хүртэбэ гэжэ Буряад Уласай Соёлой яаманда мэдэсэнэ.
СССР-эй арадай артистка Ирина Богачёвагай үүсхэлээр «Санкт-Петербург» гэһэн уласхоорондын мүрысөөн 8-дахияа үнгэргэгдэбэ. Ирина Богачёва өөрөө мүрысөөнэй жюриин түрүүлэгшэ болоһон байна. Ородой Холбоото Уласай Соёлой яаман, Санкт-Петербург хотын соёлой хороон, Римский-Корсаковай нэрэмжэтэ Санкт-Петербургын консерватори, Ирина Богачёвагай «Арт-Петербург» гэһэн буян үйлэдэлгын жаса энэ мүрысөө эмхидхэн байгуулһан байна.
