724
Буряад Уласай Толгойлогшо Алексей Цыденовэй хэлэһээр, 2018 оной март һараһаа хойшо «Победа» авиакомпаниин самолёдууд Улаан-Үдэ хүрэтэр ниидэхэ.
«Улаан-Үдэ хүрэтэр ниидэхэ шиидхэбэри абаһандань баяраа мэдүүлнэб. Удаан саг соо тэдэнэртэй хэлсэжэ, зохихо шиидхэбэри абтаһан байна. Энэ хэлсээндэ «Победа» авиакомпанииин абаһан шиидхэбэриие ахалагша Аэрофлот компаниин дэмжэжэ, Ородой Холбоото Уласай Транспортын яаман хабаадалсаһан байна. 2018 оной март һараһаа хойшо энэ компани Улаан-Үдэ хүрэтэр ниидэхэ ажалаа үргэлжэлүүлхэ», - гэжэ Алексей Цыденов хэлэбэ.
«Аэрофлот» үйлэдбэриин түлөөлдэг «Победа» үйлэдбэри Ородой Холбоото Уласай бюджедэй авиакомпани болоно. 2017 ондо энэ эмхиин самолёдууд Москва-Улаан-Үдэ, Улаан-Үдэ-Москва замаар ниидэжэ эхилээ гэжэ һануулнабди. Мүнөө биледэй сэн 7,5 мянган түхэриг болоно.
«Улаан-Үдэ хүрэтэр ниидэхэдэ энэ авиакомапанида балайшье аша үрэтэй бэшэ. Зургаан часай туршада ниидэжэ хүрэнэ. Энэ болзорто тэдэнэр ондо зүг руу гурба дахин ниидэхэ аргатай», - гэжэ уласай хүтэлбэрилэгшэ тэмдэглэбэ.
